Apela dagiti agtagikua: umatiddog operasion videoke bars

STO. DOMINGO, Ilocos Sur – Kiniddaw dagiti videoke bar owners ditoy nangruna dagiti naipasdek iti Puerto Beach, ti pannakaiyatiddog ti oras ti operasion dagitoy a paginuman iti labes  ti alas 10 ti rabii a naituding a panagrikepda.

Sagudayen ti ordinansa a manipud iti alas 8 ti bigat agingga iti alas 10 ti rabii ti panag-operate dagiti videoke bars ditoy nga ili.

Kinuna dagiti akinkukua dagitoy a paginuman nga iti alas dies ti rabii a mangrugi pay laeng a pumigsa ti videoke bar gapu ta iti daytoy nga oras ti panagsangpet dagiti kustomer.

Ngem kinuna ni Vice Mayor Antonio Que a suroten dagiti videoke bar owners ti ordinansa bayat ti panangadal ti konseho iti apelada.#