Appropriation ordinance, naaprobaran

CABUGAO, Ilocos Sur – Tallo a million laeng ti naaprobaran manipud iti P4.8 million appropriation ordinance ditoy nga ili.

Naaprobaran ti P3 million appropriation ordinance nga aggapu iti general fund para iti stipend ni Dr. Dayao ken iti RHU, pannakagatang iti stretcher ken dadduma nga aksesoria ti ambulansia, pondo para iti clean and green program ken solid waste management, pannakaaramid ti shore protection iti Barangay Pug-os, para iti website management ken cultural development and promotion ken iti youth and sports development.

Saan a naaprobaran ti P1.8 million para iti debt servicing ti Cabugao Waters ket napagtitinongan nga aggapu iti RA 7171 iti pagbayad iti utang ti Cabugao Waters.

Maad-adal pay a ti savings manipud iti general fund ti paggapuan iti pondo para iti collective negotiation agreement dagiti empleado ti munisipio a naipaikumit iti committee on finance and appropriations.#