Araw ng Propesyonal isayangkat ti PRC Baguio Regional Office

MUñOZ, Nueva Ecija – Mangisayangkat ti Professional Regulation Commission (PRC) Baguio Regional Office iti “Araw ng Propesyonal” iti city library ditoy a siudad inton Nobiembre 8, 2011.

Segun iti pakaammo a naggapu ken ni Regional Director Teofilo Gaius M. Sison, Jr., maipaay manipud iti 10:00 a.m. agingga iti 4:00 p.m. iti daytoy nga aldaw dagiti serbisio a pakairamanan ti pannakapabaro ti Professional ID/license; pannakaited ti Professional ID Card ken Board Certificate; pannakaited (kas kiddaw) iti Certification of Good Standing; ken aplikasion para iti March 2012 Licensure Examination for Teachers ken dadduma pay a licensure examinations.

Dagiti propesional a nagipila iti aplikasionda iti PRC Baguio a kayatda nga alaen iti Muñoz ti Professional IDda ken/wenno Board Certificate , ag-emailda iti PRC babaen ti [email protected]  wenno ag-text iti 0921-969-3919 and/or 0917-961-2510  3 wenno 4 aldaw sakbay ti naiskediul a petsa.#