Arko ti Tagudin, dinungpar ti trailer truck

TAGUDIN, Ilocos Sur – Nakasuan ti maysa a drayber gapu iti panangdungparna iti arko probinsial ditoy nga ili idi malem ti Disiembre 21.

Naipaiman ti kaso a reckless imprudence resulting to damage to property iti opisina ti provincial prosecutor, Vigan City maikontra ken ni Roger Caraga y Yohanon, 48, naasawaan, ken residente iti 811 Mabuhay Street, Tondo Manila.

Maipalagip nga idi 5:30 ti malem iti nadakamat a petsa, dinungpar ti FUSO super great trailer gruck a nakarehistro ken ni Rosendo Benito Salvador ken minaneho ni Caraga ti arko ti probinsia a masarakan iti Barangay Bio a nakadadaelan daytoy.

Nakulpi met ti tuktok ken  makannigid a sango ti truck. Nupay kasta, saan a naan-ano ti drayber.#