Asawa ti katulong, tinakawan, pinanggepna a ramesen ti amona

SAN JUAN, Ilocos Sur – Kinuna ti kapolisan ditoy a nasolbaren ti kaso ti panagtakaw ken panagpanggep a panagrames nga addaan iti natungday a homisidio iti pannakaaresto ti suspetsa itay nabiit ditoy.

Segun ken ni Chief of Police ditoy Police Inspector Benjie Tremor, naidatagan ti kaso maikontra ken ni Eric Aquino, 27, residente ti Lira ditoy nga ili a robbery and attempted rape with frustrated homicide nga inaramidna ke ni Virgie Corpuz, 50, agnaed met laeng iti nasao a barangay.

Naammuan iti inbestigasion a madama nga agbuybuya ni Corpuz iti telebision iti salas ti pagtaenganda idi simrek ni Aquino ket sinallukobanna ti ulo ti biktima, dinugsolna iti imuko sana impalgak nga ited daytoy ti kuartana.

Ginuyod ti suspetsa ni Corpuz iti kuarto daytoy a nakaikabilan ti petakana sana kinasakas ti di pay ammo ti gatadna a kuarta.

Inserrek ni Aquino ti biktima iti comfort room ket pinanggepna nga abusuen nga naggulagol ti biktima sa nagtaray sa nagpaarayat.

Kinamat ti suspetsa ti biktima ket binagsolna ti bakrang daytoy.

Nagtaray ti suspetsa a naglibas idi madlawna nga immarayat dagiti kaarruba ti biktima.

Iti operasion dagiti polis, natiliw ni Aquino iti pagtaenganna.

Nakarekobre dagiti polis iti imuko nga addaan nagbalay a dara, maysa a diaket a daradara ken $4 dollars.

Mapapati a nabartek ti suspetsa idi insayangkatna ti panagtakaw.

Segun iti polis, makastrek latta ti suspetsa iti pagtaengan ti biktima agsipud ta agpapaay a katulong ditoy ti asawana.#