Asemblea, angayen ti ISECO

SANTIAGO, Ilocos Sur- Angayen ti kooperatiba ti elektrisidad ditoy probinsia ti maika-31 nga Annual General Membership Assembly inton Nob. 21 iti main officena ditoy, impakaammo ni General Manager Cesar Geronilla itay nabiit.

Matratar bayat ti asemblea ti agdama a sasaaden ken nagapuanan ti ISECO kasta met dagiti problema mainaig iti pannakaited iti nasaysayaat a serbisio kadagiti consumers.

Segun iti ISECO, maysa a requirement kadagiti agkandidato iti kinadirektor ti board ti iyaatendarda iti mamindua iti asemblea ti kooperatiba iti las-ud ti lima a tawen.#