SANTIAGO, Ilocos Sur – Nagpaay a resource speaker ni 1 CARE party list representative Michael Angelo Rivero iti asemblia nga insayangkat ti Ilocos Sur Electric Cooperative, Inc. idi Disiembre 11 iti gymnasium ti opisinada ditoy a dinar-ayan dagiti rinibu a member-consumers.
Malaksid iti libre a tisirt, adda pay paripa a nakaitedan dagiti nadumaduma a premio kadagiti nangabak.
Kanaig daytoy, naammuan a 100% energized dagiti 768 a barangay iti probinsia. Nupay kasta, adda pay dagiti lengleng a sitio a di pay naikkan iti koriente ket daytoy ti prioridad ti ISECO a masilawan.
Tinawen nga angayen ti ISECO ti general membership assembly tapno maipakaammo ti estado ti kooperatiba ti elektrisidad.#