Asian Youth Cross, agpaspasiar iti Northern Luzon

Madama ti panagpasiar ti Asian Youth Cross kadagiti Arkidioses ken Dioses ditoy Northern Luzon babaen ti panangisayangkat dagiti agtutubo iti Dioses ti Imus, Cavite kas paset ti panagsaganada iti masungad nga Asian Youth Day a maangay ditoy pagilian inton Nobiembre 22 – 27, 2009.

Simmarungkar ti Asian Youth Cross ditoy Arkidiosesis ti Nueva Segovia idi Septiembre 24-25 ket naggian iti Katedral ti Vigan ken ken iti simbaan ni San Agustin iti Bantay, Ilocos Sur sa naiyallatiw ti krus a naipan iti Bikariato ni San Marcos ket kalpasanna naiyallatiw iti Diosesis ti Laoag a yanna iti agdama.

Ti Diocese ti Imus,Cavite ti agsangaili iti nasao a pagteng inton umay a bulan.#