BANTAY, Ilocos Sur- Maysa nga estudiante iti Narvacan, Ilocos Sur ti nakaiyalat iti medalia iti kalkalpas a Palarong Pambansa.
Naammuan ken ni Division Ilocos Sur Physical Education Supervisor Meneleo Palma nga inyawid ni Allen Bose, estudiante manipud Narvacan, Ilocos Sur, ti bronze medal iti Taekwondo iti nasao a paay-ayam a naangay iti Dapitan City idi Mayo 8-14.
Maysa ni Bose kadagiti pito nga atleta ti Ilocos Sur a nairaman iti Region I Athletic Association a nakisalip iti Palarong Pambansa a nakipartisiparan dagiti nadumaduma a dibision iti pagilian.#