VIGAN CITY – Iti baet a kutitda iti kalkalpas nga Ilocos Region Athletic Association Meet a naangay iti Laoag City, maysa a resolusion ti impasa ti sangguniang panlungsod ditoy a mangpadayaw kadagiti atleta ti siudad nangruna kadagiti nakaiyawid iti medalia.
Segun ken ni Konsehal Henry Formoso, aniaman ti naglugaran ti siudad ti Vigan iti IRAA, mapadayawan ti sibubukel a delegasion kas moral a suporta kadakuada, ti commitmentda ken inaramidda amin a kabaelanda a makisalip nupay nagkamtudda iti pannakisalipda.
Lima a gold medal ti inyawid ti Vigan City: chess (Patrick Dulay), boksing (Edwin Avila), taekwondo (Tomas Jefferson Rosales, 4 x 100 meter relay ken soccer.#