Footer

Awan pay suspetsa pannakaiwalang negosiante

SINAIT, Ilocos Sur – Awan pay ti maitudo a suspetsa iti pannakapapatay iti maysa a negosiante a nasarakan a naiwalang iti maysa a creek iti Barangay Recodo ditoy.

Nagsatan iti anges ni Rolly Pandapatan, 36, naasawaan, residente iti Barangay Dugayat, ditoy nga ili bayat ti pannakataming dagiti sugatna iti maysa nga ospital.

Iti inbestigasion dagiti polis, nasarakanda ti naabandona a kotse ti biktima iti barangay road ti Recodo ket iti panagsawarda, naduktalanda ti biktima iti creek nga asideg iti lugar.

Mapapati a biktima ni Pandapatan iti robbery-hold-up agsipud ta napukaw ti kuarta  ken alikamenna. Madama ti inbestigasion mainaig iti krimen.#