Footer

Awan tuition fee increase iti UNP

VIGAN CITY – Awan ti maipakat a tuition increase iti University of Northern Philippines ditoy siudad iti daytoy nga school year, segun iti maysa nga opisial daytoy a pagadalan.

Kinuna ni Dean of Student Affairs Gilbert Arce nga agtalinaed ti P100 per unit a bayadan dagiti estudiante nga agenrol iti pagadalan kas napag-aanamongan dagiti agtuturay ti unibersidad.

Mangrugi ti enrolment ditoy iti Hunio 2 idinto nga aglukat dagiti klase inton Hunio 15.

Naammuan nga addan nasurok a 300 a kolehio ken unibersidad iti intero a pagilian ti nangipangato iti tuition fee iti daytoy nga school year.#