Baak, nasarakan a bangkay kalpasan drinking session

STA. CRUZ, Ilocos Sur – Mapapati a gapu iti bartekna ti nakagapu iti ipapatay ti maysa a baak a nasarakan a maysan a bangkay iti igid ti kalsada ti Barangay Sevilla ditoy nga ili idi sardam ti Mayo 25.

Nasarakan ti maysa nga ubing nga agnagan Justin Turgano bayat ti panaglawinna iti tukak  idi agarup 8:00 ti sardam ti nadakamat a petsa ni Mauricio Luvanaria y Gray, 65, awanan asawa, ken residente iti nadakamat a barangay, a maysan a bangkay.

Segun iti report, nagginom da Luvanaria ken ti gayyemna a ni Boy Alnas iti agarup 4:00 iti dayta a malem.

Kuna ti polis nga awan ti nakitada a foul play mainaig iti insidente.

Kinuna dagiti kabagian ti biktima nga adda hypertension ken nakaro a panagsakitsakit ti tianna ket daytoy ti suspetsada a puon ti nakatayanna.#