Babai a nakasuan iti estafa, naaresto

VIGAN CITY – Inaresto dagiti polis ditoy babaen ti panangidaulo ni PO1 Mark Andrew Fernando, warrant PNCO, ken iti direkta a superbision ni PCI Ernesto Navarro, Jr., OIC, ti maysa a babai a sumangsango iti nagduduma a kaso ti estafa idi agarup 9:00 ti bigat ti Marso 21.

Inaresto dagiti polis ni Gemmarie Ayco y Areno, 44, naasawaan, ken esidente iti Barangay Raois ditoy siudad babaen ti warrant of arrest nga inyisio ni Judge Perla B. Querubin tiRTC, Branch 20, Vigan City a napetsaan idi Mayo 26, 2008.

Sumangsango ti akusado iti nadumaduma a kaso ti estafa a nai-docket iti babaen ti Criminal Case Nos. 6108 – 6132-V ket nairekomenda nga agpiansa iti nadumaduma a gatad mainaig iti 25 a kasona para iti temporario a pannakawayawayana.#