Babai, binagbagsolna ti bagina

GALIMUYOD, Ilocos Sur – Mapapati a binagbagsol daytoy a babi ti bagina iti namin-adu a beses tapno maibanagna ti panggepna a mangkettel iti biagna.

Iti report ti polis manipud ditoy nga ili, mapapati a kinettel ni Cynthia Mina y Barber, 46, naasawaan, day care worker ken residente iti Barangay Mckinley, ditoy nga ili, ti biagna babaen ti panangbagsolna iti bagina iti kitchen knife nga agatiddog iti sumurok kumurang 12 a pulgada.

Segun iti report, nagpupok ni Mina ti kuartona, ket idi pinorsar dagiti kabagianna a linuktan ti ridaw, nakitada laengen ti biktima iti suelo a nadigos iti dara.

Intarayda ni Mina iti Candon City Hospital ngem indeklara ti doktor a DOA.

Saan a nailanad iti blotter no ania ti nangiduron ken ni Mina a mangkettel iti biagna.#