Babai, binagsol ti kalib-inna, natay

SANTA, Ilocos Sur- Natay ti maysa a babai gapu iti panangbagsol kenkuana ti kalib-inna idi rabii ti Nobiembre 15 iti Barangay Mabilbila ditoy nga ili.

Dagus a natay ni Florecita Advincula, 29, balasang, residente iti nadakamat a barangay gapu iti sugatna iti nadumaduma a paset ti bagina gapuen ti panangbagbagsol kenkuana ni Joselito Tejada, 42, kalib-inna.

Segun iti report, immuna a naginum dagiti dua iti balayda sada intuloy iti maysa a videoke bar iti barangayda. Mapapati a rimmuar tapno agpariir ti suspetsa a nakalugan iti motorsiklona ngem naaksidente.

Naggawid ti suspetsa tapno sukonenna ti biktima a mapanda iti ospital ngem di pay simmangpet daytoy.

Nadatngan ti suspetsa ti kalib-inna iti videoke bar nga umin-inom pay laeng ket nagsubangda a nagtungpal iti panangbagbagsol ti suspetsa iti biktima.#