Babai, nagtakaw iti frozen foods

NARVACAN, Ilocos Sur – Akto a natiliwan a nagtakaw iti frozen products ti maysa a babai iti maysa a pagtagilakuan iti tiendaan publiko ditoy idi malem ti Hulio 30.

Nakadetene iti Narvacan police station ni Marivic Bulatao y Eugenio, 38, naasawaan ken residente iti Bacnar, San Carlos City, Pangasinan gapu ta saan a nakapagpiansa iti P10,000 para iti temporario a pannakawayawayana.

Nakasuan ni Bulatao iti 4th MCTC 1st Judicial Region, Narvacan-Nagbukel-Santa gapu ta nasukalan ni Nixon Castillo, 24, naasawaan, helper ti nasao a paglakuan, a nagtakaw iti 11 packs ti Purefoods frozen products nga aggatad iti P1,920 iti tiendaan a kukua ni Michelle Garote a masarakan iti public market ditoy nga ili.#