Babai, napaltogan iti balayna

LIDLIDDA, Ilocos SurSaan pay a nabigbig ti suspek a nangpaltog iti maysa a bumalay iti Poblacion Norte, ditoy nga ili idi agarup 8:30 ti rabii ti Hulio 26.

Nagsagrap iti sugat iti barukong ni Elvira Tabalbag y Asiong, 56, naasawaan ken residente iti nadakamat a barangay ket naitaray iti Candon City Hospital para iti pannakaagasna.

Iti inisial a panagimbestiga dagiti polis, nagtugtog ti suspek iti ridaw ti balay ti biktima ket linuktan ti naudi sada nagpatang.

Kellaat nga inasut ti suspek ti paltogna sana pinaltogan iti naminsan ti suspek. Naglugan ti suspek iti motorsiklo a minaneho ti di nabigbig a kaduana ket naglibasda iti saan nga ammo a direksion.

Nakasarak dagiti inbestigador iti maysa a kapsula a nagtaud iti cal .45 iti nakapasamakan ti krimen.

Saan pay nga ammo ti motibo ti pammaltog.#