Footer

Babai, nasipdut ti kairuruarna a kuartana

CANDON CITY – Maysa a babai ti nagbalin a biktima dagiti mannipdut kalpasan ti panaggapuna iti bangko a nangiruar iti kuartana idi Mayo 16.

Segun iti report, nasipdut ti P25,000 nga in-withdraw ni Veronica Lupadit, 23, residente iti Barangay Lopez, manipud iti maysa a bangko bayat iti pannagnana iti sentro ditoy a siudad.

Segun iti biktima, simrek iti Novo ket gimmatang iti kasapulanna ngem idi agbayad, naduktalanna nga awan metten ti kuartana nga aganay P25,000 a nailipit iti passbookna a naikabil iti bagna.

Suspetsa ti biktima a nasipdut ti kuartana bayat ti pannagnana nga apan iti Novo.#