CANDON CITY – Balasang ti kaudian a biktima ti Lipit Gang, grupo dagiti agdukdukot ditoy siudad.
Nagpulong iti polis ni Hazel Dumot, residente iti Barangay Suso, Sta. Maria, Ilocos Sur a nasipdut ti pitakana bayat ti kaaddana iti Stern Mall a masarakan iti barangay San Nicolas idi Hulio 24.
Saan a nabigbig dagiti nangdukot ken ni Dumot a mapapati a dua a babai.
Iti salaysay ti biktima, gumatgatang iti donut iti ruangan ti mall idi dua a babai ti nanglipit kenkuana.
Idi kitaen ni Dumot ti bagna, awanen ti selponna ken ti walletna a naggianan ti  kuartana.#