Babai, nasukalan a nagtakaw iti panty

CANDON CITY – Maysa a babai ti natiliwan a nagtakaw iti panty iti maysa a department store ditoy siudad idi Abril 23.

Nabigbig ti suspek a ni Imelda Tabling Pascua, 43, ken residente iti Barangay Amguid, ditoy siudad.

Segun iti panagimbestiga dagiti polis, simrek ti suspek iti J & C Lucky 99 a nagpammarang nga adda gatangenna ngem nasiputan ti maysa nga aglaklako a nangisakibot iti panty sana impadas nga impuslit iti ridaw.

Nupay kasta, napalubosan met laeng ni Pascua kalpasan a binayadanna iti P700 ti tinakawna a panty.#