Footer

Babai, natay iti kigtot

MAGSINGAL,  Ilocos Sur – Natay iti kigtot ti maysa a babai gapu iti panagpaputok ti grupo ti lallaki a nakiriri iti maysa a tanod bayat ti ay-ayam ti basketbol sadiay Barangay San Lucas idi sardam ti Nobiembre 24.

Naideklara nga awanen ti biag ni Mageline Soliven y Ugalde, 38, naasawaan, ken residente iti Barangay San Lucas a mapapati gapu iti kigtotna idi nagpaputok ti grupo ni Alden Tolentino, residente iti Barangay Patong a  nakaalarmaan dagiti tattao.

Nagramut ti insidente idi mapapati a limmasat ni Tolentino iti pagbabasketbolan ket sinitar ni Alejandro Rosario y Saliganan 40, naasawaan, barangay tanod.

Pimmanaw ni Tolentino ngem nagsubli nga addan tallo a kaduana a lalaki ket idi nakitada ti tanod, napasamak ti komosion.

Mapapati a nagpaputok ti grupo ni Tolentino idi naglibasda a nagresulta iti panagkakaribuso dagiti tattao ken nakakigtotan ni Soliven a puon ti ipapatayna.#