Footer

Babassit a negosiante, mapapigsa

VIGAN CITY – Tapno ad-adda pay a mapapigsa dagiti small and medium enterprises ditoy probinsia, naangay ti maysa a provincial congress para kadagitoy a negosio iti tallo a nagsasaruno nga aldaw itay nabiit.

Inangay ti gobierno probinsial ti Provincial SMEs Congress babaen ti pannakitinnulong ti Department of Trade and Industry idi Marso 11 para iti umuna a distrito, Marso 12 para iti maikadua a distrito ken Marso 13 para iti upland municipalities.

Kinuna ni Gov. Deogracias Victor Savellano nga adu dagiti nabaybay-an a babassit a negosiante ken agkasapulan iti tulong nangruna ita a panawen ti global a krisis.

Pagtitinnulungan ti gobierno probinsial, DTI ken DOST a pasayaaten ti packaging, label ken technolohia dagiti produkto ti probinsia para iti nalaklaka a pannakailakoda ditoy pagilian ken iti internasional a merkado.#