Babbaro, kinabil dagiti nakainomanda

STA. CRUZ, Ilocos Sur – Dua a babbaro ti kinabil dagiti nakainomanda iti maysa a bodaan iti Barangay Sevilla ditoy nga ili itay nabiit.

Nakabil da Renan Molina ken Reniel Molina, agpada a residente iti barangay Sevilla, ditoy nga ili idinto a nainaganan dagiti suspek a da Aaron Bermudo ken Joseph Molina, agpada a residente iti Casilagan, ditoy met laeng nga ili.

Segun iti inbestigasion dagiti polis, adda saan a panagkinnaawatan dagiti biktima ken ni Molina bayat ti panagiinomda iti bodaan ngem naanawa ida ti agpasken.

Ngem idi aggawiden dagiti biktima, binato dagiti suspetsa ida sada kinabil dagitoy uray nagpakni dagiti biktima iti maysa a balay.#