Footer

Bagas ti NFA, dida maipempen a mabayag

BANTAY, Ilocos Sur – Innem a bulan laeng a mapempen dagiti bagas ti National Food Authority kadagiti bodega tapno saanda nga agagub.

Kinuna ni NFA Provincial Manager Fortunato Bulao a no  naagub ti bagas, saan a kayat a gatangen dagiti umili ken komersiante.

Kinuna ni Bulao a no bumaba ti kalidad ti bagas gapu iti nabayag unay a pannakaipempenna, bumaba ti presio a pakailakuanda a pakalugian ti nasao nga ahensia.

Ilako ti NFA dagiti stockna a bagas kadagiti probinsia nga agkurkurang ti suplayda a bagas no adu unay ti pempenna.

Tapno saan nga agsobra dagiti stockda, ikagkagumaan ti NFA a kontrolen dagiti gatangenna a bagas, segun ken ni Bulao.#