Bagnet Festival, rinibribu a tattao ti nagbuya

NARVACAN, Ilocos Sur -Impatalged ni Mayor Zuriel Zaragoza a tinawenton ti Bagnet Festival a tampok nga aktibidad iti panagpiesta daytoy nga ili kalpasan ti panagballigi ti streetdancing competition a binuya dagiti rinibribu a tattao idi Disiembre 13.

Malaksid ti bagnet festival, naangay pay ti pasalip iti panagluto a kangrunaan a ramen ti bagnet.

Ti bagnet ti one town one product daytoy nga ili a paborito a gatangen dagiti sangsangaili ken turista.

Kinuna ni Zaragoza a nairusat ti Bagnet Festival kas paset ti panangipromotda daytoy nga ili a kas tourist destination.#