BAGUIO CITY – Manamnama a lumamiis pay ti klima ditoy siudad iti iseserrek ti tawen 2011, daytoy ti impakaammo ti Pagasa.
Nagsuek ti temperatura ditoy siudad iti 12.4 degrees celsius idi Disiembre 9, ti kalamiisan a temperaturana ita a tawen.
Manamnama a bumaba pay ti temperatura ti siudad agingga iti isasagpat ti bulan ti Pebrero gapu iti angin Amian.
Kabayatanna, immadu ngem iti ninamnama ti bilang dagiti turista a simmang-at iti siudad tapno palabsenda ti Paskua ditoy.
Mapattapatta nga immabot iti nasurok a 200,000 ti bilang dagiti turista a simmang-at iti siudad itay Paskua.#