Baka, inuraga dagiti mannanakaw

BANTAY, Ilocos Sur – Maysa a baka ti mapapati a pinalek dagiti di am-ammo a tattao sada inuraga ti kamaudi a sakana.

Nasarakan ni Bonifacio Presto, 46, agnaed ti Ora West ditoy nga ili a natayen ken awanen ti kamaudi a kanawan a saka ti bakana nga inwaywayna iti kataltalonan a sakup ti barangayda.

Agpateg ti baka iti P30,000.

Mapapati a pinalek dagiti mannanakaw ti baka ket idi natayen rinugosda ti kamaudi a sakana.

Impauraga a kapilitan ti akinkukua ti bakana kadagiti kalugaranna.#