Baket, inatalan simmalog a van

NARVACAN, Ilocos Sur – Imparking ti drayber ti luganna a van iti igid ti kalsada kalpasan nga iniddepna ti makina, sana pinanawan. Ngem nagsalog nga is-isuna ti lugan a puon ti nakaatalan ti maysa a baket ken nakatayanna.

Iti report manipud iti Narvacan police, saanen a naidanon ti biag ni Marcelina Directo y Wanawan, 74, balo, kalpasan nga inatalan ti Hyundai Starex Van a minaneho ni Jose Supnet, Jr. y Ceon, 36, naasawaan, ken residente iti Barangay Marozo, Narvacan, Ilocos Sur.

Segun iti panangimbestiga dagiti polis, nupay naiddep ti makina ti lugan, simmalog latta a puon ti nakaatalan ti baket nga agtugtugaw iti abay ti waiting shed.#