STO. DOMINGO, Ilocos Sur – Maysa a balo ti binugbog ti maysa a lalaki gapu iti panangkiddawna kadakuada nga ibabbabada ti bosesda bayat ti panagiinumda.
Nagpulong iti polis ni Yolanda Natividad, 50, balo, residente iti Pussuac ditoy a kinabil ti maysa a Johnny Cambongen gapu iti panangkiddawna iti naud-udi ken dagiti kakaduana nga ibasbassitda ti bosesda ta naarimbangawda iti panagpapatangda bayat ti panagiinumda idinto a tumengngan ti rabii.
Mapapati a nagpungtot ti suspetsa ket kinugtaran ken kinabilna ti baket.
Naiballakad iti baket ti panagpadoktorna no panggepna ti agdarum maikontra iti suspetsa.#