Footer

Baket, nasukalan a nagisakibot sangalata a gatas

CANDON CITY – Maysa a baket ti natiliwan a nagisakibot iti gatas iti maysa a pagtagilakuan iti Stern Mall iti barangay San Nicolas ditoy.

Nasukainan ti guardia ti maysa a lata ti gatas a Pedia Sure nga aggatad iti P880 iti nagbaetan ti dua a luppo ni Norma dela Cruz, 62, mapapati a taga-Lingayen, Pangasinan.

Segun iti babai a guardia, nagsuspeta iti baket gapu iti saan a nasayaat a pannagnana ket idi sitaenna, naduktalanna ti gatas nga inipitna iti nagbaetan ti luppona.#