Baket, pinangtaan ti kagawad

CANDON CITY – Maysa a senior citizen ti nagpulong iti polis gapu ta mapapati a pinanggep ti maysa a kagawad a padungparan iti barangay Paypayad, ditoy a siudad.

Impulong ni Florentina Santiago, 67, residente iti nasao met laeng a barangay, ni  Willy Collado, kalugaranna a barangay kagawad, a nagpanggep a mangdungpar kenkuana, nagsao iti agkakadakes ken nangpangta kenkuana.

Kinuna met ti kagawad a kasaritana koma ni Santiago gapu iti napalabas a dida panagkinnaawatan idi nagkitada ngem sabali metten ti nagtungpalanna.

Iti pannakaisurat daytoy, solsolbaren ti kapitan ti barangay ti susikda.#