VIGAN CITY – Gapu laeng iti pannakaatraso ti panagbayadna iti kaserana, natungtungpa ti maysa a balasang.

Nagpulong iti polis ni Cynthia Rafael, 26, balasang, empleada iti Plaza Maestro, taga-San Quintin, Abra a tinungtungpa ti maysa a Paul Benzon gapu iti saanna a pannakabayad iti upa ti kaserana.

Kinuna ti biktima a naatraso ti panagbayadna iti kaserana agsipud ta saan pay a nagsueldo ngem dita metten a tinungtungpa ti suspetsa sana inggarangugon iti ruar dagiti alikamenna.

Plano ti biktima nga idarum ti suspetsa gapu iti inaramidna.