Balasang, dina pinakawan baro a nangsirip kenkuana

VIGAN CITY – No saan latta nga agbaliw ti pangngeddeng ti balasang a siniripna, makasuan daytoy a baro gapu iti daytoy nga inaramidna.

Inaresto dagiti polis ditoy ni Jonathan Medrano, 20, baro, ken residente iti Barangay Nagsangalan ditoy siudad gapu iti mapapati a panangsiripna ken ni Melba, 19, (parbo a nagan) bayat ti yiisbona iti banioda idi rabii ti Oktubre 13.

Segun iti inbestigasion, napan immisbo ti balasang iti dayangdayang pay a banioda  idi agarup alas otso ti rabii dayta nga aldaw ngem nagsuspetsa idi adda agkaradakad iti tuktok ti balay ti kaarrubada ket nakitana ti suspek nga agsirsirip.

Nagpaarayat ti balasang iti ama ken kabsatna ket inreklamoda ti suspek.

Nagpakawan ti suspek ngem saan a nagkir-in ti balasang iti pangtana nga agidarum.#