Footer

Balasang, kinarawa ti nabartek a lalaki

SANTIAGO, Ilocos Sur – Maysa a balasang ti nakursonadaan a kinarawa ti nabartek a lalaki iti periaan ditoy nga ili itay nabiit.

Nainaganan ti biktima a ni Rerzel Cardenas, 20, residente ditoy nga ili idinto a nabigbig ti suspek a ni Mario Bautista, 38, residente iti Barangay Lubong East, Sta. Maria, Ilocos Sur.

Iti inisial nga inbestigasion, nakatakder ti biktima nga agbuybuya iti periaan idi immasideg ni Bautista ket kinarawana ti pribado a paset ti bagina.

Nupay kasta, saanen nga agdarum ni Cardenas kalpasan a nagpakawan ti suspek.#