CANDON CITY – Maysa a balasang ti inallilaw ti dua a babbai ket intarayda ti selpon ken alahasna.
Nagpulong ni Letty Ungay, 24, residente iti barangay Matibuey, San Emilio, Ilocos Sur a linoko ti dua a saan pay a nabigbig a babbai ket intarayda ti selponna a flip top a Motorolla, dua a kuentas ken aritosna.
Segun iti inbestigasion, nagpatulong dagiti suspetsa iti biktima no sadino ti umabangan iti trak.
Naay-ayo ti biktima iti boladas dagiti dua ket intalekna dagiti alahas ken selponna.
Saanen a nakita pay ti biktima dagiti suspetsa.#