Balasitang, naireport a mapukpukaw

BANTAY, Ilocos Sur – Maysa a balasitang ti naireport iti polis ditoy a mapukpukaw.

Idi Nobiembre 4, mismo a Arnold Rabino y Galoso, 38, ken ti asawana a ni Rosalinda, 40, agpada nga agnaed iti Barangay Bayubay Norte, San Vicente, Ilocos Sur ti nangireport iti polis a mapukpukaw ti anakda a ni Ann Charlotte Rabino y Biay, 17, adda iti umuna a tukad ti kolehio iti St. Paul College of Ilocos Sur.

Segun kadagiti nagannak, pimmanaw ni Ann Charlotte iti balayda idi agarup 7:30 ti bigat ti Nobiembre 3 ngem saanen a naggawid.

Kiniddaw dagiti agassawa iti polis ti pannakasapul ti anakda ket no masarakan daytoy, ti pannakaipakaammona iti police station ditoy.

Iti pannakaisurat daytoy, awan pay ti pakaammo no nasarakanen ti balasitang.#