Balasitang, rinames ti ulitegna

STA. LUCIA, Ilocos Sur.  Nagreklamo iti polis ti maysa a balasitang a rinames ti bukodna nga uliteg idiay barangay Namatican, iti daytoy nga ili.

Segun iti blotter ti polis ditoy, agmaymaysa iti kuartona ni Saniata (parbo a nagan), 16, out-of-school youth ken residente iti Namatican ditoy idi mapapati a simrek ni Rogelio Orini Raun, uliteg ti biktima, residente met laeng iti nasao a barangay, sana inarakup ti balasitang.

Mapapati a nagkedked ti biktima ngem dinanog ti suspetsa a nakaigapuan ti panagilus ti balasitang ket ditan a ginundawayan ti suspetsa.

Mapapati a binutbuteng ti suspetsa ti balasitang ngem impalgak ti naudi iti kaarrubada ti inaramid ti ulitegna. Indanon ti kaarruba iti polis ti napasamak ti balasitang.#