Balay, dimmapo

SAN ESTEBAN, Ilocos Sur – Dimmapo ti maysa a pagtaengan iti Barangay San Nicolas ditoy nga ili a mapapati a nagtaud iti nasindian a kandela maigapu iti panagblack-outna idi rabii ti Mayo 8.

Nagtitinnulong dagiti bumbero manipud ditoy nga ili, Sta. Maria, Candon City ken Narvacan a nangdepdep iti apuy.

Idi damo, naipagarup a nairaman a nauram dagiti bumalay a nabigbig a da Fermin Ramirez, 76, ken ni Pacita Europa, 86, ngem nasarakan dagitoy nga agtawtawataw iti kalsada kalpasan ti uram.

Segun ken ni Ramirez, saan a mamati a naulida ken ni antina a Pacita ti nangato nga alad iti likudan ti balay iti panangisalbada iti biagda idi kangitingit ti uram.

Segun iti panagimbestiga ti Bureau of Fire Protection, nanindi dagiti bumalay iti kandela gapu ta blackout iti dayta a rabii ket dayta ti mapapati a nagtaudan iti uram.#