Balay, dimmapo

STO. DOMINGO, Ilocos Sur – Mapapati nga electrical overloading ti nakagapu iti pannakauram ti maysa a pagtaengan ditoy itay nabiit.

Mapattapatta met nga agbalor iti P1 milion ti napukaw iti nasao nga uram a nangpadapo iti balay ni Ester Mytakyaw, 50, naasawaan ken residente iti Barangay Sto. Tomas, Sto. Domingo idi agsapa ti Mayo 8.

Sumagmamano a fire stations iti kabangibang ti Sto. Domingo ti nagresponde para iti pannakadepdep ti uram a naideklara nga under control idi agarup 8:35 iti dayta a bigat.

Segun iti inisial a panagimbestiga dagiti bumbero, nagtaud ti uram iti attic, iti dayaen a paset ti balay.#