Footer

Balay, natakawan

STA. CRUZ, Ilocos Sur – Natakawan ti balay ti maysa a balo iti Barangay Suyo ditoy nga ili idi rabii ti Mayo 27 ket kinurimesda dagiti kuartana a naggian iti maysa a bag.

Nagreport iti polis ni Magdalena Lanoria, 62, balo, ken residente iti nadakamat a barangay, a sinerrek dagiti mannanakaw ti balayn ket intaray dagitoy ti laptop bag a naglaon iti P21,000, $188, 11,000 Korean Won, 1,000 Chinese Yuan, 2 Kuwait Dinar, 5 Saudi Riyal, 25 Malaysian Ringgit, BPI ATM card, Company ID, PhilHealth ID ken TIN number.

Simrek dagiti mannanakaw iti likud ti balay babaen ti panangdadaelda iti ridaw bayat ti kaawan da Magdalena ken ti barona a ni Pauline Lanoria, 30, empleado ti Money Aide Pawnshop Incorporated a napan nagbuya iti parada ti Flores de Mayo.#