CANDON CITY – Maysa a balay ti sinerrek dagiti mannanakaw sada tinakawan sadiay Barangay Bagar ditoy a siudad idi Mayo 22.
Nagreport ni Arturo Gamoso, 40, ken residente iti nadakamat a barangay, a sinerrek dagiti mannanakaw ti pagtaenganna ket kinurimesda ti 10 a t-shirt, 2 a short pants, maysa a sando, selpon a Nokia ken P5,000.00 cash.
Iti panagimbestiga dagiti polis, mapapati a nakastrek dagiti suspek iti uneg ti balay babaen ti akinlikud a ridaw. Mapapati a daytoy met laeng ti nagnaanda idi aglibasda.
Iti pannakaisurat daytoy, saan pay a nabigbig no asino dagiti nangisayangkat iti nasao a panagtakaw.#