Balay, nauram

SANTA LUCIA, ILOCOS SUR – Maysa a balay ti nauram iti daytoy nga ili idi malem ti Mierkules itay napan a lawasna.

Segun kadagiti nagpalutpot a pulis, maysa a bungalow type a balay a kukua da Nestor Barroga iti Barangay Ronda iti daytoy nga ili ti nauram.

Nadepdep ti apuy babaen ti panagtitinnulong dagiti  bumbero, pulis ken kasta metten kadagiti umili.

Segun iti report, nauram dagiti tallo a kuarto, intero a bobeda ken dadduma a ramit iti uneg ti pagtaengan.

Awan ketdi ti naireport a natay.

Segun iti imbestigasion, nangrugi ti uram iti uneg ti computer room.  Maatap a ti faulty wiring ti nakagapu iti uram.#