Balay, nauram

SAN VICENTE, Ilocos Sur – Saan pay nga ammo no ania ti nagtaudan ti apuy a nanguram iti maysa a pagtaengan iti Barangay Bantaoay, ditoy nga ili idi rabii ti Hunio 3.

Dagus a nagresponde ti kapolisan idi naawatda ti tawag iti telepono a maur-uram ti balay ni Carlos Rebebes idi agarup 8:30 p.m. Dagus met a pinakaammuanda ti Bureau of Fire Protection ti Sta. Catalina, Bantay ken Vigan City tapno tumulongda a mangdepdep iti uram.

Agarup 9:30 ti rabii idi madepdep ti uram.

Awan ti naireport a nadunor ken ti kadagupan a balor ti sanikua a dimmapo.#