Footer

Balay ti BFP-Sto. Domingo, madama ti renobasion

STO. DOMINGO, Ilocos Sur – Madama ti renobasion ti opisina ti Bureau of Fire Protection ditoy nga ili babaen ti pondo a naggapu iti BFP Central Office.

Napunduan iti P650,000.00, kas paset ti renobasion, masuktan ti bobeda, maikkan iti partision, maaplagan iti tiles ken mapinturaan ti nasao nga opisina.

Kanaig daytoy, naiyalis pay laeng ti opisina ti BFP iti di pay maar-aramat a pasdek-pagadalan iti Sto. Domingo North Central School agingga a malpas ti renobasion inton maikadua a quarter daytoy a tawen.

Adda siam a personnel ti BFP ditoy nga ili.#