Balay ti ili, nainaguraran

LIDLIDDA, Ilocos Sur – Kiniddaw ni Mayor Constante Segundo ti panangaywan koma ti sumublat a mayor daytoy balay ti ili a nabangon bayat ti administrasionna.

Nainagunaran idi Hunio 6 ti nasao a balay ti ili a nakagastuan iti pondo a P25 million.

Da Congressman-elect Eric Singson ken ni Governor-elect Ryan Singson dagiti kangrunaan a sangaili iti pannakainagurar ti nasao a balay ti ili.

Naggapu manipud iti bingay daytoy a munisipio iti excise tax ti tabako ti pondo iti pannakaipatakder ti balay ti ili.

Nupay naipatakder daytoy a balay ti ili iti babaen ti administrasion ni Mayor Constante Segundo, bumabanton iti puesto inton Hulio 1 agsipud ta ni Jesus Sagay ti nabutosan a mayor ditoy iti sumaruno a tallo a tawen.#