Footer

Balay ti mannalon, dimmapo

MAGSINGAL, Ilocos Sur – Agtultuloy ti inbestigasion no ania ti nakagapu iti pannakauram ti balay ti maysa a mannalon sadiay Barangay Napo idi rabii ti Septiembre 25.

Dimmapon ti balay ni Eusebio Tacazon y Udarbe, 61, awanan asawa, idi nakadanon dagiti nagresponde a polis ken bombero iti nadakamat a barangay a mapapati a nangrugi idi agarup 11:20 ti rabii ti nadakamat a petsa.

Indeklara dagiti bumbero a nasebseben ti uram idi agarup 12:05 ti parbangon.

Awan ti nadunor kadagiti bumalay ken di pay ammo ti pateg dagiti sanikua a dimmapo ngem agtultuloy ti panagimbestiga ti BFP no ania ti nakagapu iti uram.#