Balay ti negosiante, natakawan

BANTAY, Ilocos Sur – Natakaw ti maysa a laptop iti pagtaengan ti maysa a negosiante nga agnaed iti Barangay V, ditoy nga ili idi agarup alas 3:50 ti agsapa Marso 12.

Nagpulong ni Faustino “Jun” dela Cruz y Famorca, 82, balo, negosiante ken residente iti nasao a barangay a natakaw ti 15 inches a Lenovo laptop nga agbalor iti $370.00 iti uneg ti balayna.

Segun ken ni Juvy dela Cruz y Puzon, 54, balasang, retirado nga empleado ti banko, a nariinganna ti maysa a lalaki a simrek iti kuartoda ket idi kinumprontarna, nagtaray daytoy a rimmuar.

Mapapati a simrek ti di nabigbig a mannanakaw iti balay babaen ti akindaya a tawa ti balay.

Iti panagimbestiga dagiti polis, naammuan a maysa a Joseph ti napan iti balay ti biktima ket nagaplikar a kas katulong idi Marso 10.

Agtultuloy ti panagpalutpot dagiti polis mainaig iti nasao a panagtakaw.#