Balay ti senior citizens, natakawan

STA. LUCIA, Ilocos Sur – Sinerrek dagiti mannanaw ti balay ti agassawa a baketĀ  ken lakay sadiay Barangay Angkileng ditoy nga ili idi rabii ti Hunio 24 ket kinurimesda dagiti kuarta, selpon ken alahasda,

Iti reportda iti polis, kinuna da Rodrigo Sarmiento, 77, ken ni Amanda Sarmiento, 72, a sinerrek dagiti mannanakaw ti balayda ket kinurimesda ti tallo a Nokia a selponda, 2 a Seiko a relo, goma a sapatos, maysa paris nga aritos, P1,500.00 ken $110.

Naammuan iti panagimbestiga dagiti polis a nakastrek iti uneg ti balay dagiti mannanakaw babaen ti pananglekkabda iti window grills.

KinunaĀ  ni Rodrigo a natakuatanna laengen ti pannakaserrek ti balayda idi mapan umisbo iti parbangon.

Di pay ammo ti kinasiasino dagiti nagtakaw iti balay dagiti agassawa.#