Footer

Balay ti tesorero, natakawan

STA. LUCIA, Ilocos Sur – Uppat a kalugaranna ti intudo ti tesorero ti barangy a nagtakaw iti balayna idi Enero 19.

Innaganan ni Perfecta Pilar y Halican, 59, balo, barangay treasurer ken residente iti Barangay Damacuag dagiti suspek a da Raymart Hafalla y Hafalla, Danilo Petines y Mangornong, Felix Petines y Mangornong ken Edgar Lucena y Carbonel, kalugaran met laeng.

Naduktalan ni Pilar a natakawanda idi makariing iti agarup 5:00 ti bigat ti Enero 19 ket nakitana laengen a nakalukat ti ridaw iti abagatan a paset ti balayda, kasta met a naluktan dagiti kabinet, ridaw ti kusina, kuarto ken ti tiendada.

Iti panagimbestiga dagiti polis, nakastrek dagiti suspek iti balay ni Pilar babaen ti panangdadaelda iti serradura ridaw ti kusina sada kinasakas ti Starmobile Tablet nga agbalor iti P6,000.00; Nokia Cellphone nga aggatad iti P500 ken addaan iti P1,000.00, Samsung Cellphone Simpack nga agbalor iti P500) ken 1,000.00 Globe load ken sumurok kumurang a P10,000.00 iti nadumaduma a denominasion.#